Success Story : 150 વખત ફેલ થયા બાદ પણ Dream11ના CEOએ માની નહીં હાર, જાણો અત્યારે કેટલી સંપત્તિના છે માલિક?

Success Story Of Dream11 : સફળ ઉદ્યોગસાહસિકની સફરમાંથી એક પાઠ જે દરેક વ્યક્તિએ શીખવો જોઈએ તે એ છે કે તમે ગમે તેટલી વખત નિષ્ફળ થાઓ, તો પણ તમારી જાતને ક્યારેય નિરાશ ન કરો. ઓનલાઈન સટ્ટાબાજીની એપ Dream11ના સહ-સ્થાપક હર્ષ જૈને (Harsh Jain) પોતાના જીવનમાં આ ખૂબ જ સારી રીતે અપનાવ્યું છે. તે ભારતની સૌથી મોટી ફેન્ટસી સ્પોર્ટ્સ વેબસાઈટના સહ-સ્થાપક છે. તેમની (Dream11 Company Net Worth)કંપનીનું મૂલ્ય આશરે રૂ.65,000 કરોડ (Rs.65,000 Crore) છે. હર્ષ જૈન માટે આ સફળતા સુધી પહોંચવું સરળ નહોતું. તો ચાલો આપણે જાણીએ કે આ સફરને મંઝીલ સુધી પહોંચવામાં કેટલી મુશ્કેલીઓનો સામનો કરવો પડ્યો. 

► વ્યવસાયિક વિચાર 150 વખત નકારવામાં આવ્યો

હર્ષ જૈન અને તેમના બિઝનેસ પાર્ટનર ભાવિત શેઠને કંપની માટે રોકાણકારો લાવવા માટે સંઘર્ષ કરવો પડ્યો હતો. એક ઈન્ટરવ્યુમાં હર્ષે કહ્યું હતું કે, કુલ 150 વેન્ચર કેપિટાલિસ્ટ્સે તેમના બિઝનેસ આઈડિયાને નકારી કાઢ્યો હતો. ડ્રીમ 11એ ભારતમાં સ્થિત એક ફેન્ટસી સ્પોર્ટ્સ પ્લેટફોર્મ છે. તે વપરાશકર્તાઓને કાલ્પનિક ક્રિકેટ, હોકી, ફૂટબોલ, કબડ્ડી અને બાસ્કેટબોલ રમવાની તક આપે છે.

► આ રીતે Dream11 ની શરૂઆત થઈ

હર્ષ જૈન મુંબઈનો રહેવાસી છે. તેને શરૂઆતથી જ સ્પોર્ટ્સ, ટેક્નોલોજી અને ગેમિંગનો શોખ હતો. તેણે પોતાનું સ્કૂલિંગ મુંબઈથી કર્યું હતું. આ પછી તેઓ ઉચ્ચ શિક્ષણ માટે અમેરિકા ગયા. હર્ષે 2007માં યુએસની પેન્સિલવેનિયા યુનિવર્સિટીમાંથી ઇલેક્ટ્રિકલ એન્જિનિયરિંગ કર્યું અને પછી 2014માં કોલંબિયા બિઝનેસ સ્કૂલમાંથી એમબીએ કર્યું. તેણે માઈક્રોસોફ્ટમાં સમર ઈન્ટર્નશિપ સાથે તેની કારકિર્દીની શરૂઆત કરી. આ પછી તેણે જય કોર્પ લિમિટેડમાં માર્કેટિંગ મેનેજર તરીકે પણ કામ કર્યું. જ્યારે IPL 2008 માં શરૂ થયું, ત્યારે તેને અને તેના મિત્ર ભાવિતને ફેન્ટસી સ્પોર્ટ્સ પ્લેટફોર્મ શરૂ કરવાનો વિચાર આવ્યો. આ સાથે Dream11ની શરૂઆત થઈ.

► અને પછી કંપની ચમકી ...

હર્ષ કંપનીમાં પ્રોડક્ટ અને માર્કેટિંગ તેમજ ડિઝાઇન અને ટેક વર્કનું ધ્યાન રાખતો હતો. સાથે જ ભાવિત ઓપરેશનનું કામ પણ સંભાળતો હતો. શરૂઆતમાં, હર્ષ અને ભાવિતને ભંડોળ એકત્ર કરવા માટે સખત મહેનત કરવી પડી. તેમણે 2 વર્ષમાં લગભગ 150 વેંચર કેપિટલ્સઓનો સંપર્ક કર્યો. પરંતુ બધાએ તેના વિચારને નકારી કાઢ્યો. ઘણા અસ્વીકાર અને મુશ્કેલીઓ પછી, હર્ષને વર્ષ 2020 માં IPL ના સ્પોન્સરશિપ અધિકારો મળ્યા. ત્યારથી કંપની ચમકી છે. આજે દરેક બાળક Dream11નું નામ જાણે છે.

► Harsh Jain's Net Worth કેટલી છે?

હર્ષ જૈન આજે રૂ.65,000 કરોડની કંપનીના સહ-સ્થાપક અને સીઈઓ છે. પોતાની નેટ વર્થ (Harsh Jain Net Worth) વિશે વાત કરીએ તો મીડિયા રિપોર્ટ્સ અનુસાર, તેમની પાસે લગભગ 67 કરોડ રૂપિયાની સંપત્તિ છે. તે Dream11માંથી વાર્ષિક 4 કરોડ રૂપિયાનો પગાર લે છે. એટલે કે માસિક પગાર 33 લાખ રૂપિયાની આસપાસ છે. તેમની કુલ વાર્ષિક આવક 7-8 કરોડ રૂપિયા છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - Harsh Jain Net Worth - Dream11 Company Net Worth - Success Story Of Dream11 - IPL Fantasy Legue Gaming Application Dream11 CEO - How Much Earning Dream11 CEO - dream11 net worth - ડ્રીમ ઈલેવન નેટ વર્થ - dream11 ka malik kaun hai - dream11 founder - dream11 का मालिक कौन है - dream11નો માલિક કોણ છે?